Қаңтар оқиғасы кезінде азапталған қырғыз әншісі Викрам Рузахунов полицейлерден 61 миллион теңге талап етті, деп хабарлайды alataunews.kz.
Қаңтар оқиғасы кезінде Қошмамбеттегі арнайы тергеу изоляторында азапталған қырғыз әншісі Викрам Рузахунов қазақстандық полиция қызметкерлерінен 61 миллион теңге көлемінде материалдық және моральдық өтемақы талап етіп отыр.
Алматы облысы Қарасай аудандық сотында қаңтар оқиғасы кезінде 99 қазақстандық және көршілес мемлекет азаматтарын азаптауға қатысы бар полиция қызметкерлеріне қатысты сот процесі жүріп жатыр. Сол азапталған азаматтардың қатарында Викрам Рузахунов та болған.
Рузахуновтың талабы оның қаңтар оқиғасы кезіндегі азаптаулардан кейінгі материалдық және моральдық шығындарын өтеуге бағытталған.
