Аудит қорытындысына сәйкес, кәсіпорын бойынша жалпы сомасы 79,6 млн теңгеге бұзушылықтар анықталған. Оның ішінде 21,6 млн теңге – қаржылық, ал 58 млн теңге – рәсімдік сипаттағы заңбұзушылықтарға тиесілі.
Тексеру барысында мемлекеттік сатып алу процесінде де кемшіліктерге жол берілгені белгілі болды. Атап айтқанда, техникалық сипаттамалардың тек орыс тілінде ұсынылуы, келісімшарт талаптарының толық орындалмауы, сондай-ақ бірқатар қызметкерлерге заңсыз артық төлемдердің жасалғаны анықталған.
Аудит нәтижесінде аурухана басшылығы мен лауазымды тұлғаларына қатысты тәртіптік шаралар қабылданды. Бұзушылықтарды жою мақсатында 2025 жылғы 30 сәуірге дейінгі мерзімге нұсқама берілген. Кәсіпорын тарапынан кемшіліктерді түзету бойынша қажетті шаралардың қолға алынғаны хабарланды.
