15–16 қыркүйек күндері мамандар ауа сапасын тексеру мақсатында 288 сынама алып, олардың бірқатарында шекті мәннен асып кеткен көрсеткіштер анықталды. Осыған орай тұрғындарға, әсіресе балаларға, қарттарға және тыныс алу жолдарының созылмалы аурулары бар адамдарға алдын алу шараларын ұстану жөнінде нұсқаулық берілді.
17 қыркүйекте сол аумақтарда қайта жүргізілген тексеру нәтижелері нормаларға сай болып шықты. Қазіргі таңда ауа сапасы тұрақты түрде қадағаланып, желдің бағытына қарай бақылау күшейтілуде.
Маңыздысы, 15–17 қыркүйек аралығында улану фактілері тіркелмеген. Сондай-ақ медициналық мекемелерге шағымданғандар да болмаған. Өрт салдарынан зардап шеккендер жоқ.
Бұл жағдай аймақтағы төтенше жағдайлар қызметінің және санитарлық қызметтің үйлесімді жұмысының нәтижесінде толық бақылауда ұсталып отыр.
