Ұлттық «Ауылдық денсаулық сақтауды жаңғырту» жобасы аясында жалпы құны 3,5 млрд теңгені құрайтын 38 нысанның құрылысы бекітілген. Бүгінгі таңда оның 17-сі пайдалануға берілді, ал тағы жетеуін жергілікті бюджет есебінен салу басталды.
Жамбыл ауданында жаңа поликлиника бой көтеруде. Сондай-ақ Қарасай, Райымбек, Еңбекшіқазақ және Жамбыл аудандарында дәрігерлік амбулаториялар салынуда. Ұлттық жобаның мақсаты – шалғай ауыл тұрғындарына сапалы әрі қолжетімді медициналық көмек көрсету. Жаңа нысандар заманауи диагностикалық кабинеттермен және инженерлік жүйелермен жабдықталады. Енді тұрғындар ем алу үшін аудан орталықтарына бармай-ақ, өз ауылында қызмет ала алады.
«Жаңа медпунктте науқастарға көмек көрсетуге қажетті барлық жағдай жасалған. Бұрын мұндай мүмкіндік болмаған. Қазір электрокардиограф, алғашқы көмек көрсетуге арналған құрылғылар орнатылды, буын ауруларын емдейтін кабинет ашылды. Ең қажетті жабдықтардың барлығы қарастырылған», — дейді фельдшер Майра Есбаева.
Жаңа медициналық нысандардың іске қосылуы ауыл тұрғындарының өмір сапасын жақсартуға, сондай-ақ өңірдің әлеуметтік инфрақұрылымын нығайтуға серпін берме
«Бұрын жағдай өте қиын еді. Медпункт екі-ақ бөлмеде орналасып, шатырынан су ағатын. Бұл мәселені талай рет көтердік. Енді жаңа ғимарат салынып, біз бұған өте қуаныштымыз», — Қали Өтелбаев, Саурық батыр ауылының тұрғыны.
