Аймақта бұл бағдарламаның операторы ретінде «Қонаев» әлеуметтік-кәсіпкерлік корпорациясы» АҚбелгіленген.
Бағдарлама көктемгі егіс және күзгі жиын-терін жұмыстарына (КЕЖТЖ) арналған, яғни ауыл шаруашылығы өндірушілерін қолдауға бағытталған. Жеңілдетілген қаржыландырудың мақсатты арналуы – егіс және жиын-терін жұмыстарын жүргізу үшін айналым қаражатын толықтыру.
Несиелер 18 айға дейінгі мерзімге, жылдық 5% жеңілдетілген мөлшерлемемен беріледі. Қарыз сомасы егістік алқаптың 1 гектарына шаққандағы шығын нормативтері негізінде жеке есептеледі.
Бағдарлама шарттарына сәйкес, несие қамсыздандыру ретінде мыналар қабылданады:
-
жылжымайтын мүлік;
-
немесе «Даму» кәсіпкерлікті дамыту қорының қарыз сомасының 85%-ына дейінгі кепілдігі.
Қарызды өтеу кестесі:
-
негізгі қарыздың 50%-ы – ауыл шаруашылығы жұмыстары жүргізілген жылдың 1 желтоқсанына дейін;
-
қалған 50%-ы – келесі жылдың 20 ақпанына дейін.
Қарызды мерзімінен бұрын ішінара немесе толық өтеуге болады. Сыйақы тиісті мерзімдерде немесе несие комитетінің шешімімен жеке кесте бойынша төленеді.
Қарыз алушыларға қойылатын негізгі талаптар:
-
аграрлық салада кемінде 3 жылдық тәжірибе;
-
егістік алқаптарының болуы (меншікте, жалға алу немесе бірлесіп пайдалану шарты негізінде);
-
соңғы 24 айда 180 күннен астам мерзімі өткен берешектің болмауы;
-
соңғы қаржылық есептілік бойынша оң нәтиже көрсету;
-
100% кепілзат қамтамасыздығының болуы.
Барлық қарыз қаражаты қаржыландыру жылының 1 тамызына дейін толық игерілуі тиіс.
«Кең дала 2» бағдарламасы – агроөнеркәсіптік кешенді мемлекеттік қолдау аясында жүзеге асырылып отыр. Ол фермерлердің қаржылық тұрақтылығын арттыруға, өнімділікті көтеруге және азық-түлік қауіпсіздігін қамтамасыз етуге бағытталған.
