Сапар аясында су тарифтері, субсидиялау мәселелері және балық шаруашылығындағы әкімшілік рәсімдердің күрделілігі сияқты маңызды тақырыптар талқыланды.
Сонымен қатар, Талғар ауданында орналасқан «AYKAN Resort» курорты мен «Ой-Қарағай – Орман ертегісі» тау-курорттық кешеніне арнайы барып, олардың инфрақұрылымдық мүмкіндіктері мен қызмет көрсету сапасына назар аударылды.
Еңбекшіқазақ ауданы тұрғындарының өтініштері негізінде карьерлерді заңсыз пайдалану мәселесі көтерілді. Елді мекендерге жақын маңдағы қиыршық тас өндіру жұмыстарына қатысты шағымдар бойынша тексеру жүргізіліп, өңірлік инспектор тиісті мемлекеттік органдарға жұмыс тобын құрып, тергеу жұмыстарын бастау туралы тапсырма берді.
