Сонымен қатар, Солтүстік Қазақстанға облыстық ҚХА дайындаған гуманитарлық көмекті жөнелтуге қатысты.
Зардап шеккен тұрғындарға көмек көрсету үшін Алматы облысының Қоғамдық келісім және даму орталығы Петропавл қаласына 25 тонна гуманитарлық көмек жіберілді.
«Біз, этномәдени орталықтың өкілдері, Қазақстанның барлық осындай қиын-қыстау заманда халқымыздың бірлігінің маңыздылығын атап өткіміз келеді. Тек бірігіп, кез келген қиындықты жеңе аламыз. Алматы облысының Ассамблеясы әрқашан игі істерді қолдайды және су тасқынынан кейін қалпына келтіру бойынша барлық күш-жігеріңізге көмектесуге дайын екендігін атап өткіміз келеді. Құрылыс материалдарын жолдап жатқанымыздың басты себебі су тасқынынан кейін үйлер мен басқа да нысандарды қалпына келтіруге көмектесу», — деді Алматы облысының «Сафар» тәжік қоғамдық бірлестігінің төрағасы Солихов Карахон.
Айта кету керек, Алматы облысы су тасқынынан зардап шеккен өңірлерге көмек көрсету бойынша кешенді шараларды жалғастыруда. Фронт-офис жұмысының алғашқы күндерінен бастап волонтерлар 300 тоннадан астам гуманитарлық көмек жинады. Мысалға, Батыс Қазақстан облысына 130 тонна, Атырау облысына 100 тонна, Солтүстік Қазақстан облысына (Петропавл) 70 тонна гуманитарлық жүк жеткізілді. Облыстық штаб жұмысына 500-ден астам ерікті жұмылдырылған, оның 20-сы жергілікті жерде көмек көрсетуде. Батыс Қазақстан облысына су тасқынымен күресу үшін 171 бірлік арнайы техника жіберілді (тиеу, инженерлік, жүк техникасы, су тасығыштар және моторлы қайықтар).
Сондай-ақ облыстың бизнес қауымдастығы қаржылай көмек ретінде «Қазақстан халқына» және «Демеу Қазақстан» қорларына 90 миллион теңгеден астам қаржы аударды.Батыс Қазақстан және Ақтөбе облыстарынан келген 170 оқушының орналастырып, олардың бос уақыттарын сауықтыру жұмыстарына арнап жатыр. Балаларға барлық жағдай жасалып, қашықтықтан оқыту ұйымдастырылып, оқу құралдарымен қамтамасыз етілді.
«Қоғамдық келісім орталығының өкілдері бүгін су тасқынынан зардап шеккендерге 25 тонна көлемінде құрылыс материалдарын жіберуде. Бұған дейін де жұмыстар атқарылған. Бұл белсенді және ынтымақты әрекеттер біздің халық ретінде қиын кезеңдерде бірге тұрғанымызды және бір-бірімізге қолдау көрсетуге дайын екенімізді көрсетеді», — деді Алматы облысының әкімі Марат Сұлтанғазиев.
