Мамандардың болжамынша, өңірдің тау бөктері мен таулы аудандарында жаңбыр жауып, найзағай болады. Әсіресе Іле Алатауы аумағында ауа райы құбылмалы болады деп күтілуде.
Сондай-ақ облыста оңтүстік-батыс және батыс желі күшейіп, күндіз кей жерлерде екпіні секундына 15–20 метрге дейін жетеді. Қонаев қаласында желдің жылдамдығы 18 м/с болуы мүмкін.
Кей аумақтарда ауа температурасы +36 градусқа дейін көтеріледі.
Сонымен қатар, Алматы облысының солтүстік бөлігінде жоғары өрт қаупі сақталып отыр.
Мамандар тұрғындарды ауа райының күрт өзгеруіне байланысты сақ болуға, таулы аймақтарға шыққанда қауіпсіздік шараларын сақтауға шақырды.
