Синоптиктердің мәліметінше, елдің шығысында кей жерлерде қатты қар жауады. Орталық және солтүстік өңірлерде боран соғып, көктайғақ күтіледі.
Солтүстік, шығыс және орталық аймақтарда тұман түсіп, жел күшейеді. Кей өңірлерде желдің жылдамдығы секундына 20 метрге дейін жетуі мүмкін.
Мамандар жүргізушілер мен жаяу жүргіншілерге ауа райының нашарлауына байланысты абай болуды ескертеді. Көктайғақ, боран кезінде ұзақ сапарды кейінге қалдыру, жол бағытын алдын ала жоспарлау ұсынылады.
