Қорғаныс министрлігі күзде мерзімді әскери қызметке шақырылған 20 мыңнан астам азамат өз міндетін орындамаса, әкімшілік және қылмыстық жауапкершілікке тартылатынын мәлімдеді, деп хабарлайды alataunews.kz.
ҚР Қарулы Күштері Бас штабының өкілі Фархат Айдарбаевтың айтуынша, әскерге шақырылған азаматтар жергілікті әскери басқару органының шақыру комиссиясына келуге міндетті. Шақыру қағазы азаматтың өзіне, жұмыс орнына немесе оқу мекемесіне қол қойдыру арқылы беріледі, болмаса смс-хабарлама жіберіледі. Егер шақырылушы қағазды алмаса, оны ішкі істер органдарының көмегімен жеткізу шаралары қарастырылады.
Ескерту: әскери қызметтен бас тартқан азаматтар заңнамаға сәйкес әкімшілік немесе қылмыстық жауапкершілікке тартылады.
