Мамандардың мәліметінше, дүйсенбі күні еліміздің бірқатар өңірінде ауа райы құбылмалы болады. Елдің шығысында, түнде солтүстік пен орталық аймақтарда, ал күндіз батыс пен оңтүстік-шығыста жауын-шашын күтіледі.
Синоптиктер болжамынша, республиканың басым бөлігінде күн күркіреп, жаңбыр жауады. Оңтүстік-шығыстың таулы аудандарында нөсер жаңбыр болуы мүмкін.
Сонымен қатар батыс және оңтүстік-шығыс өңірлерде бұршақ жауып, қатты дауыл тұру қаупі бар.
Ал елдің қалған аумақтарында жауын-шашынсыз, ашық ауа райы сақталады.
Синоптиктер ауа райының күрт құбылуына байланысты тұрғындарға сақ болуға, әсіресе дауыл мен бұршақ қаупі бар өңірлерде қауіпсіздік шараларын сақтауға кеңес береді.
