«Мен жаңа облыс әкімдігі салтанат сарайында орналасуын қаламадым. Салтанат сарайы — бұл халыққа қажетті нысан, жастар неке қиятын орын. Ол жұмыс істеуі керек, халыққа қызмет етуі қажет. Жастардың жолына бөгет болуға біздің қақымыз жоқ», – деді облыс әкімі.
Бейбіт Исабаевтың айтуынша, облыс әкімі аппараты Талдықорған қалалық әкімдігі ғимаратына уақытша орналасты. Бұрынғы Алматы облысы әкімдігінің өртенген ғимараты қалпына келтірілгеннен кейін күзге қарай көшпекші.
Еске салсақ, өткен аптада Жетісу облысының әкімі неке сарайына, ал АХАЖ театрға қоныстанды деген ақпарат әлеуметтік желіге тарап, жұрт дүрліккен еді.
