«Әлем чемпионаттары мен Азия кубоктары болып тұрады. Сондай әлемдік додада жеңіп шыққан қазақстандық жасөспірімдерге мемлекет тарапынан назар салынып, еңбектері бағаланса деймін. Өкінішке орай, жеңімпаз балалар билік назарынан тыс қалды», — дейді 3 бірдей әлем чемпионын баптаған жаттықтырушы Моисей Нагай.
Моисей Нагайдың айтуынша спорттық саланың бүгінгі жағдайы бұрыңғыдан көш ілгері, алаңдар мен ғимараттар тұрғызылып жатыр. Спортқа ден қойған жастар қатары да артып келеді. Десе де, ат арытып келген жеңімпаздар еңбегі елеусіз қалып отыр.
Моисей Нагай 20 жылда 3 әлем чемпионын тәрбиелеп шыққан. Бұл жолғы тәлімгерлері Голландияда өткен әлем чемпионатында қарсыластарын шаң қаптырып, 1 алтын, 5 күміс, 1 қоланы қанжығаларына байлады.
