Жетісу облыстық мәслихатының кезектен тыс ІІ сессиясында Алматы облысы экономика және бюджеттік жоспарлау басқармасының басшысы Жомарт Әмірханов облыс депутаттарына басқармалардың тізімін ұсынды. Ол дін істері және ішкі саясат басқармасы жаңа атаумен – қоғамдық даму басқармасымен біріктірілгенін атап өтті. Қалған басқармалар өзгеріссіз қалды.
Осы құжаттың негізін «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бабы 1-тармағының 3) тармақшасы және «Қазақстан Республикасы жергілікті мемлекеттік басқармасының базалық құрылымын бекіту және Қазақстан Республикасы Үкіметінің кейбір шешімдерінің күші жойылды деп тану туралы «Қазақстан Республикасы Үкіметінің 2013 жылғы 18 маусымдағы №608 қаулысына сәйкес құрайды.
Депутаттар бекіткен шешімге сәйкес «Жетісу облысы әкімінің аппараты» мемлекеттік мекемесі және келесі басқармалар құрылады:
— «Жетісу облысының қоғамдық даму басқармасы» ММ;
— «Жетісу облысының сәулет және қала құрылысы басқармасы» ММ;
— «Жетісу облысының денсаулық сақтау басқармасы» ММ;
— «Жетісу облысының жұмыспен қамтуды үйлестіру және әлеуметтік бағдарламалар басқармасы» ММ;
— «Жетісу облысының мәдениет, архивтер және құжаттама басқармасы» ММ;
— «Жетісу облысының тілдерді дамыту басқармасы» ММ;
— «Жетісу облысының жолаушылар көлігі және автомобиль жолдары басқармасы» ММ;
— «Жетісу облысының кәсіпкерлік және индустриалды-инновациялық даму басқармасы» ММ;
— «Жетісу облысының құрылыс басқармасы» ММ;
— «Жетісу облысының қаржы басқармасы» ММ;
— «Жетісу облысының экономика және бюджеттік жоспарлау басқармасы» ММ;
— «Жетісу облысының энергетика және тұрғын үй-коммуналдық шаруашылық басқармасы» ММ;
— «Жетісу облысының дене шынықтыру және спорт басқармасы» ММ;
— «Жетісу облысының табиғи ресурстар және табиғат пайдалануды реттеу басқармасы» ММ;
— «Жетісу облысының жер қатынастары басқармасы» ММ;
— «Жетісу облысының ауылшаруашылығы басқармасы» ММ;
— «Жетісу облысының еңбек инспекциясы жөніндегі басқармасы» ММ;
— «Жетісу облысының туризм басқармасы» ММ;
— «Жетісу облысының ветеринария басқармасы» ММ;
— «Жетісу облысының мемлекеттік сәулет-құрылыс бақылауы басқармасы» ММ;
— «Жетісу облысының цифрлық технологиялар басқармасы» ММ;
— «Жетісу облысының мемлекеттік сатып алу басқармасы» ММ;
— «Жетісу облысының білім басқармасы» ММ.
