Жақсылық Талғатұлы Мұхаметжанов – қазіргі уақытта, Астана қаласында дыбыс режиссері болып қызмет атқарады. Сонымен қатар, аранжировка жасаумен айналысады. Барлық музыкалық аспаптарда ойнайды, бірақ жүрегіме домбыра жақын дейді.
«Домбыраға кішкентайымнан әуеспін. Бұл менің әжемнің арманы. Домбыраға баулыған да өзі. Басында хобби ретінде қарағанмын, содан кейін әлеуметтік желіде таныла бастадым. Ал қазір бұл өнерім өмірімде үлкен орынға ие болды», — деді Жақсылық Талғатұлы.
Сонымен қатар, ол алдағы жоспарларымен бөлісті.
«Жақында бірінші авторлық альбомым шығады. Артынша, концерт беруді жоспарлап отырмын. Шәкірт тәрбиелегім де келеді. Ол болашақтың еншісінде. Қазір басқа бағытта жұмыс істеп жатырмын және аудитория жинауға барымды салып жатырмын», — деп атап өтті ол.
Айта кетейік, Жақсылықтың әуендерін you tube желісінен көшіре аласыздар.
