Бұл туралы Антикоррупциялық қызмет мәлімдеді. Шымкент қаласының мамандандырылған ауданаралық қылмыстық сотының үкімімен, Қызылорда облысы экология департаменті басшысының орынбасары Б. Тілегенов қауіпсіздігі орташа түзеу мекемесінде мерзімін өтеуге 10 жыл 6 айға бас бостандығынан айырылды.
Ол ЖШС басшыларына тиесілі 100 миллион теңгені алаяқтық жолмен иемденгені үшін кінәлі деп танылды.
«Сондай-ақ, Тілегенов ЖШС басшыларын прокуратураның, мемлекеттік кірістер және экономикалық тергеу департаменттерінің лауазымды тұлғалары арқылы мәселені шешемін деп, ЖШС-не қатысты экологиялық заңнаманы бұзушылықтар туралы істі тоқтату және мемлекеттік кірістер органдарының хабарламасын кері қайтару үшін пара беруге итермеледі», – деп хабарлады ведомстводан. Үкім заңды күшіне енген жоқ.
