Статистикаға сүйенсек ей банктер жұмысы болмаса да 18 жасқа толғандарға тұтынушылық кредит беріп келген.
«Жастарға несие беру динамикасын қарасақ, проблемалық несие үлесі ұлғайып, 11 пайызға жетті. Енді ресми түрде тіркелген табысы бар жастарға ғана несие беріледі», — деді Қаржы нарығын реттеу және дамыту агенттігінің төрағасы Мадина Әбілқасымова.
24.kz телеарнасының мәліметінше, жұмысы жоқ бірақ төлемі кешіктірілген жастар үшін мәселені шешу тетіктері бар. Олар қаржы ұйымдарына арыз жазып, жаңа төлем кестесін алуы керек. Ал сарапшылар бұл мәселені шешу үшін несие беру жасын шектеуді ұсынады.
«Несие алып, қарызға батқан студент көбейіп барады. Олар ата-аналарына айтуға қорқады. Ал мәселені өз еркімен шеше алмайды. Сондықтан мен 21 жасқа дейін несие бермеу керек деп есептеймін», — деді банк мәселелері бойынша тәуелсіз сарапшы Нұржан Бияқаев.
