Жергілікті полиция басқармасы бұл мәліметті теріске шығарды.
«WhatsApp» желісінде таралып жатқан аудиожазбалар жалған. Онда әлдекімдердің 18 жасқа толмағандарды азғырып жүргені жайлы айтылған. Полиция басқармасына ешқандай арыз-шағымдар түскен жоқ», — деп жазды ПБ.
Полицейлер тұрғындардан балаларымен сөйлесіп, қоғамдық орындарда өзін-өзі ұстау тәртібін, әлеуметтік желіні қолдану ережелерін түсіндіруді сұрайды.
«Балаларыңызды қараусыз жібермеңіздер. Сондай-ақ жалған ақпарат таратқандар жауапкершілікке тартылатынын еске саламыз», — делінген хабарламада.
