Әкімнің сөзіне сүйенсек, Қонаев қаласы бойынша жұмыссыздық деңгейі 4,8%-ды құрап отыр. Ал облыстағы көрсеткіш — 4,6%.
«Жұмыспен қамту органдарында 1,2 мың жұмыссыз тіркелген. Облыс бойынша — 29400. Қалада 638 бос жұмыс орындары бар», — деді Марат Сұлтанғазиев.
Өңірде орташа айлық жалақы – 314 мың теңге. Қазақстандағы соңғы деректерге сәйкес, еліміздегі орташа еңбекақы көлемі 365 502 теңгені құрайды.
Естеріңізге сала кетейік, осы жылдың мамыр айындағы кездесуде Марат Сұлтанғазиев Алматы облысында 126 мың шағын және орта бизнес (ШОБ) субъектісі жұмыс істейтінін айтқан болатын. Оның ішінде Қонаев қаласында 6 мың ШОБ субъектілері бар.
