Турнир сонымен қатар даңқты жерлесіміз, атақты бүркітші, Жалайыр Шора мектебінің негізін салушылардың бірі Сәрсенбек Дәулетбақовты еске алуға арналды.
Байқауға Моңғолиядан, Қытайдан және Қазақстаннан өкілдер қатысты, оның ішінде жыртқыш құстармен танымал аңшылар – халықаралық және әлемдік жарыстардың жеңімпаздары бар. Бұл спорт түрінен 70-тен астам құсбегі өз өнерлерін көрсетті.
Бүгінгі таңда Алматы облысы – жыртқыш құстармен аңшылық өнерін дамытуда және құс өсіруде үлгі боларлық Қазақстанның өңірлерінің бірі деуге толық негіз бар. Облыста 25 жылдан бері халықаралық «Сонар» турнирі өтіп келеді. Осы уақыт ішінде көптеген жерлестеріміздің – дарынды орнитологтардың есімдері белгілі болды.
Өңірімізде басқа да ұлттық спорт түрлері сияқты жыртқыш құстармен аңшылық жоғары деңгейде дамып келеді. Бұл турнирдің басты мақсаты – ата-бабамыздан қалған асыл мұрамызды келешек ұрпаққа жеткізу. Өйткені, қазақ даласының жеті байлығының бірі – аңшы иттер мен жүйрік жылқылар сияқты жыртқыш құстарымыз.
Айта кетерлігі, Еңбекшіқазақ ауданы Нұра ауылындағы Жалайыр Шора мектебі құрылғанына 35 жыл ішінде қыран құсты баптайтын Қазақстандағы танылған орталықтардың біріне айналды. Ол өткен ғасырдың 80-жылдарында құрылған. Содан бері Құсбегі ұлттық мектебінің әлемдік Олимпке көтерілуі басталды.
Ертеде ата-бабаларымыз қыстың қатал жағдайында, мал қыстауда болған кезде жем алу үшін жыртқыш құстарды қолға үйреткен. Қазір жыртқыш құстармен аң аулау ұлттық спорттың біріне айналды. Турнир кестесінде бүркітпен, сұңқармен аң аулау бойынша жарыстар болды. Керемет жарыс жүздеген жанкүйерлердің басын қосты. Ұйымдастырушылар бұл турнирге ерекше мерекелік атмосфера беруге тырысты.
