Іс-шара ұлттық қолөнерімізді насихаттау мақсатында ұйымдастырылуда. Бұл туралы баспасөз мәслихатында Алматы облысы мәдениет, архивтер және құжаттама басқармасының басшысы Данияр Алиев пен «Ұста Деркембай» атындағы қолөнер музейінің директоры Даулет Дәркембайұлы баяндады.
Спикердің айтуынша, әр өңірден жиналған 42 шебердің қолынан шыққан қыш құмыралар, зергерлік бұйымдар, ағаш, табиғи тері мен тоқыма, киіз өнімдерінен көрме, жәрмеңкелер, шеберлік сағаттары көрсетіледі. Жалпы фестиваль 13 аталым бойынша өткізіледі.
«Бұл алғаш рет Алматы облысында өткізілетін фестиваль. Негізгі қатысушылар 3 қала және 7 облыстан келеді деп жоспарланып отыр. Олар Елорда Алматы, Шымкент қалалары мен Алматы, Абай, Ұлытау, Ақтөбе облыстарынан келеді. Шараны жүйелі түрде өткізу көзделген», — дейді Данияр Алиев.
Фестивальге Алматы облысынан он саусағынан өнер тамған 15 шебер зергер қатысады.
