Аудан әкімі Нұрлан Ертасұлының төрағалығымен өткен жиынға Жамбыл ауданы мәслихатының хатшысы Әмірғалиев Мадияр Орынтайұлы, аудандық Ардагерлер ұйымының төрағасы Мендебаев Батырхан Нүсіпқұлұлы, ауылдық округ әкімдері, бөлім басшылары, ауылдық округтердің ақсақалдар мен аналар кеңестерінің төрағалары, жастар, пошта байланысы бөлімшесінің басшысы қатысты.
Жиында сөз сөйлеген облыстық ардагерлер ұйымының төрағасы Ерболат Сапарбекұлы кездесудің басты мақсаты аудандық, қалалық ардагерлер кеңесінің жұмысын жандандыру, шешілмей жүрген өзекті мәселелердің оңтайлы шешілуіне ықпал ету, билік пен қарапайым халық арасындағы байланысты нығайту Ардагерлер ұйымының басты мақсаты екенін атап өтті.
Сонымен қатар облыс әкімінің қолдауымен шығатын «Алатау Ардагері» газетінің баспасөзге жазылу мәселесі және Ардагерлердің жастармен жұмыс жасау мәселелері талқыланды.
Кезекті сөз алған Теміржол ауылдық округінің Ардагерлер ұйымының төрағасы Алпысбай Бейсембаев, Жамбыл ауылдық округінің ардагерлер ұйымының төрағасы Бақыт Балайұлы, Талап ауылдық округінің ардагерлер ұйымының төрағасы Ерболат Жамантаев округтегі түйткілді мәселелерге үнемі араласып, әкімдікпен бірге талқыға салатындарын айтты.
