Дәрігерлер 15 жастағы қыздың жағдайын ауыр деп бағалады. Ол жасанды тыныс алу аппаратында жатыр.
Бес күн бұрын кәмелет жасына толмаған жасөспірім ағасының көлігін рұқсатсыз айдап шығып, тротуарда кетіп бара жатқан алты оқушыны қағып кеткен еді. Олардың барлығы қазір Алматы облыстық балалар ауруханасында жатыр.
«Ауруханаға 5 қыз түсті. Негізі жарақат алған алты қыз еді. Оның бесеуі өте ауыр халде жеткізілді. Төртеуінде бас миының жарақаты анықталды. Аяқ-қолы сынған. Екі қыздың екі аяғы бірдей сынған, ал соңғысында көп қан кеткен», – деді Райымбек аудандық ауруханасы бас дәрігерінің орынбасары Төлебай Айнабеков.
Алматы облысында жасөспірім бір топ оқушыны көлікпен қағып кеткен
