Олар 4 күн бойы түрлі сайысқа қатысып, семинарлар арқылы білімдерін жетілдіреді. Тәжірибе алаңы жаңа мүмкіндікке жол ашатынына сенімді.
«Біз қазір Алматы облысына жол жүріп бара жатырмыз. Ол жерде Қазақстанның түкпір-түкпірінен креативті жастар жиналып жатыр. Бұл керемет пікіралмасу болады. Екінші жағынан, үлкен тәжірибе болмақ деп ойлаймын», – деді Павлодар облысының тұрғыны Кәкім Бакижан.
Айта кету керек, лагерь жыл сайын «AMANAT» партиясының қолдауымен ұйымдастырылады. Мақсат — өңіраралық және халықаралық байланысты нығайту. Биыл Қытай, Ресей, Өзбекстан, Тәжікстан мен Қырғызстан және Үндістаннан да қонақтар келеді.
