Тұрғындардың айтуынша, ауылдағы Еламан, Аламан, Елтай көшелері біраз жылдан бері әлі де жасалмаған. Жазда топырақ, көктем мен күзде балшық, қыста көктайғақ. Халық өз тараптарынан бірнеше рет ақша жинап, тас төккен, алайда ол жұмыстың нәтижесі ұзаққа бармаған.
Райымбек ауылдық округі әкімінің орынбасары Қуаныш Қожахметовтың сөзіне сүйенсек, тұрғындардан бұл көшелерге байланысты бірнеше рет арыз түскен. Соны назарға ала отырып, олар 2022 жылы аудандық тұрғын үй-коммуналдық шаруашылығы бөліміне өтініш берген. Ақша бөлінсе, жөндеу жұмыстары басталады.
