Алматы облысы әкімінің өкімімен және Қазақстан Республикасының Мемлекеттік қызмет істері агенттігі, Цифрлық даму, инновациялар және аэроғарыш өнеркәсібі министрлігінің келісімімен Жандос Сәбит Алматы облысының цифрлық технологиялар басқармасы басшысы лауазымына тағайындалды.
Жандос Сәбит 1988 жылы туған, білімі жоғары, 2009 жылы Л.Н. Гумилев атындағы Еуразия ұлттық университетін «қаржы» мамандығы, 2012 жылы — «Қаржы академиясы» АҚ «экономика» мамандығы, 2018 жылы – «Тұран-Астана» университетін «құқықтану» мамандығы, 2019 жылы — М.В. Ломоносов атындағы Мәскеу мемлекеттік университетін «мемлекеттік және муниципалды басқару» мамандығы бойынша бітірген.
Еңбек жолын 2011 жылы Ақмола облысының статистика департаменті Баға статистикасы басқармасының 3 деңгейдегі жетекші маманы болып бастаған.
Әр жылдары Ақмола облысының статистика департаменті Ішкі Әкімшілік басқармасының бас маманы, Сауда және қызмет саласы статистикасы басқармасының жетекші маманы, Қазақстан Республикасы Экономикалық даму және сауда министрлігі Экономика салаларын дамыту департаменті Өнеркәсіпті, ауыл шаруашылығын және экологияны дамыту басқармасының сарапшысы, Экономика салаларын дамыту департаменті Көлік пен коммуникацияны, тұрғын-үй коммуналдық шаруашылықты және мұнай-газ саласын дамыту басқармасының сарапшысы, Қазақстан Республикасы Экономика және бюджеттік жоспарлау министрлігі Экономика салаларын дамыту департаменті Өнеркәсіпті және ауыл шаруашылығын дамыту басқармасының сарапшысы, Инфроқұрылымды және экологияны дамыту басқармасының бас сарапшысы, Қазақстан Республикасы Ұлттық экономика министрлігі Экономика салаларын дамыту департаменті Өнеркәсіпті және ауыл шаруашылығын дамыту басқармасының бас сарапшысы, Инфрақұрылымды, энергетиканы және экологияны дамыту басқармасының басшысы, Көлік-логистикалық және тұрғын-үй инфрақұрылымын дамыту басқармасының басшысы лауазымдарын атқарған.
2021 жылдың қаңтар айынан Алматы облысы әкімінің кеңесшісі.
