Лагерьге балалар үйінің 40 тәрбиеленушісі шақырылды. Демалыс екі аптаға созылды. Бұл уақыт ішінде балалар «Іле-Алатау» ұлттық паркіне, Шарын шатқалына, Көлсай және Есік көлдеріне саяхат жасады.
Бұл шараны ұйымдастырудағы мақсат – экологиялық туризмді дәріптеу. Сонымен қатар оқытушылық құрамға облыс аумағындағы ең үздік нұсқаушы, ментор, психолог-педагогтар шақырылды. Олар жас туристерге табиғат аясында өмір сүру, қажетті құрал-жабдықтарды тиімді пайдалану мен қауіпсіздік шараларын сақтау туралы практикалық дәріс берді. Таулы аймақтарда оқыс оқиғаға тап болған жағдайда психологиялық тұрғыда алғаш жасалатын қадамдар да дәріс барысында түсіндірілді.
