Аграрларға су ауадай қажет. Бұрын олар су алу АШК-ге жүгінген болса, биыл олар суармалы судың бастапқы көзі – Д. Қонаев атындағы Үлкен Алматы каналымен тікелей шарттар жасасқан.
Фермерлердің айтуынша, алдыңғы жылдары судың құны 1 га жерді суару үшін 20-дан 28 мың теңгеге дейін жетсе, қазіргі кезде 1 текше метр үшін 70 тиын ғана төлейді.
Бүгінгі таңда, ауданның 2000-нан астам шаруа және фермер қожалықтары 406 млн текше метр су алды.
Өткен жылмен салыстырғанда жаңа тарифпен 600 млн теңгеден астам қаражат үнемдеу арқылы, бизнесін дамытуға, жаңа егіндіктер мен техникалар алуға мүмкіндік алған.
Естеріңізге сала кетсек, ағымдағы жылдың қаңтар айында Алматы облысының Сыбайлас жемқорлыққа қарсы қызметі ирригациялық желілер саласында мониторинг жүргізген, нәтижесінде Еңбекшіқазақ ауданында ауыл шаруашылығының дамуын тежейтін бірқатар сыбайлас жемқорлық тәуекелдері анықталды.
