Сыйға берілген жерде мүмкіндігі шектеулі жандарға арналған оңалту орталығы салынбақ.
Ұйым өкілі Бибінұр Жылқыбаеваның айтуынша, жаңа орталық салу үшін белсенді жастардың қолдауы аса қажет. Өйткені, облыста мүмкіндігі шектеулі азаматтарға арналған оңалту орталықтары жеткіліксіз.
«Бізде оңалту орталығының жобасы дайын. Тек қаржылай қолдау қажет болған. Бұл нысан мүгедек жандарды емдеп қана қоймай, оларды жұмыспен қамтуға да арналады. Қазірде біздің бірлестікте 200 адам қызмет етеді. Кәсіпкерге сертификат сыйлағаны үшін алғысымды білдіремін», — деді ол.
Алдағы уақытта бой көтеретін нысанда тігін, кондитер цехтері, массаж бөлмесі секілді бөлімдері болады.
