Мамандардың айтуынша, тұрғын үй секторындағы өрттің өршуі жылыту маусымы кезінде орын алады екен.
Электр жабдықтары мен пештерді пайдалану кезінде өрт қауіпсізді ережелерін сақтамау, тұрмыстық газды дұрыс тұтынбаудың нәтижесі оқыс оқиғаға әкеліп соғуда.
Соңғы 7 айда өңірде 350 өрт оқиғасы орын алған, салдарынан 16 адам қаза тапқан.
Сонымен қатар, көміртегі тотығымен уланудан 4 адам көз жұмып, 3 бала мен 4 адам әртүрлі дәрежеде жарақат алған.
Спикер, өрттің алдын алу үшін қарапайым ережелерді ұмытпау керегін ескертті.
«Тұрғын үйдегі пеш пен мұржаны 3 айда бір рет тазарту керек. Жанғыш заттарды пештен кем дегенде 0,5 м ара қашықтықта орналастырған абзал. Үй және құрылыс аймағына іргелес жатқан өртенген қоқыс уақытында тазартылуы тиіс. Осындай ережелерді ұстану арқылы қайғылы жайттың алдын алуға болады», — деді Александр Пархоменко.
Естеріңізге саламыз, 1 тамыздан бастап халықтың әлеуметтік осал топтарының үйлерін комиссиялық тексеру басталды.
