Өкінішке орай, Талғар, Іле және Балқаш аудандарында ауруға шалдыққан адамдар саны жоғары.
Алматы облысы санитарлық-эпидемологиялық бақылау департаменті басшысының орынбасары Саулет Қапсаламованың келтірген деректеріне сүйенсек, оқушылар арасында гепатитпен ауыру 13 есеге өскен.
«Бұл вирус көбіне 9-11 және 4 сынып оқушыларында көп кездесуде. Бүгінгі күні өңірде ауру ошағы деп 66 нысан анықталды», — деді спикер.
Аймақта, созылмалы парентералдық гепатиттердің 389 жағдайы тіркелген. Оның ішінде созылмалы вирустық «В» гепатиті – 117 (30%), созылмалы вирустық «С» гепатиті – 272 (70%). Былтырғы жылмен салыстырғанда созылмалы вирустық «В» гепатиті 2 жағдайға төмендесе, созылмалы вирустық «С» гепатиті 32,8%-ға артқан.
«14 жасқа дейінгі балалар арасында созылмалы парентералдық вирустық гепатиттердің 18 жағдайы, ал 15-17 жас арасындағы жасөспірімдер арасында 2 жағдайы тіркелді. Облыс бойынша вирусты В гепатитті жұқтырған адамдармен қарым-қатынас орнатқан 50 тұлға және 374 реципиентке арнайы екпе салынды», — деді Саулет Баймұхаметқызы.
