Іс сапар барысында төраға аймақтағы тұрғын үй құрылысымен танысты.
Ол әуелі коттедж қалашығының құрылысымен танысып, құрылысшылармен тілдесті. Жұмыстарды саралаған Талғат Байеділов, барлығын сапалы және уақытылы орындаудың маңыздылығын атап өтті.
Айта кетейік, үйлер өткен жылы салына бастаған, қазір әрлеу жұмыстары жүргізіліп жатыр. Жауаптылардың сөзіне сенсек, алдағы бір жарым-екі айда олар толығымен қолданысқа өтеді.
Естеріңізіге саламыз, Балқаш ауданының орталығы Бақанаста көпқабатты тұрғын үймен қоса 30 шақты коттедж салынып жатыр. Барлық баспана тұрғын үйге мұқтаж, үй кезегінде тұрған, әлеуметтік аз қамтылған отбасыларға үлестірілетін болады. Жалпы, аудан бойынша 400 адам баспана кезегін күтіп отыр.
