Бұған дейін 2001-2006 жылдар аралығында Алматы мен Алматы облысындағы Аграрлық университеттің жер учаскелері мен әкімшілік ғимараттары үшінші тұлғаларға берілгені хабарланған.
Атап айтқанда, 3 студенттік жатақхана, 5 оқу-зертханалық корпус, оқу спорт кешені бар стадион, әкімшілік-шаруашылық ғимараттар, сондай-ақ Алматыдағы университет ғимараттарына іргелес жер учаскелері туралы айтылған.
Алматы облысының Талғар және Еңбекшіқазақ аудандарында орналасқан университеттің оқу-тәжірибелік шаруашылықтарында 12 гектар жер учаскесі бар.
«Қазіргі таңда тексеріс жүріп жатыр. Іс материалдарының көлемі үлкен болғандықтан, мүлікті жекешелендіру мен университетпен жылжымайтын мүлік келісімшартын жасасу, жергілікті атқарушы органдардың аталған нысандардың нысаналы мақсатын өзгерту туралы шешімдері зерттеліп жатыр», — деді Берік Асылов.
Тексеріске Алматы қаласының прокуратурасы да тартылған.
