Турнирге еліміздің 10 облысынан 150 спортшы қатысты. Олар командалық және жекелей есепте 8 салмақ дәрежесі бойынша бақ сынасты.
«Самбо спорттық және жауынгерлік самбо деген екі бағыттан тұрады. 2014 жылы бізде «жағажай самбосы» атты жаңа спорт түрі пайда болды. Ол алғаш рет Таиландтағы IV жағажай Азия ойындарының бағдарламасында ұсынылды, жағажай самбодан алғашқы әлем чемпионаты 2021 жылы Кипрде өтті. Екіншісі — 2022 жылы Израильде. Қазақстан үшін самбоның бұл түрі жаңалық емес. Бізде ерлер арасында жағажай самбодан әлем чемпионы Айдынбай Қайырберді және әлем жүлдегері Жұмабай Парасат бар. Екі спортшы да Атыраудан», – деді самбодан ҚР Мемлекеттік жаттықтырушысы Асылбек Тәкенов.
Чемпионатта үздік ойын үлгісін көрсеткендер биыл Доминиканада өтетін ІІІ әлем біріншілігіне қатысады.
Жарыс нәтижесі келесідей:
Жалпы командалық есепте:
1-орын — Қарағанды облысы;
2-орын — Алматы облысы;
3-орын — Батыс Қазақстан облысы.
Командалық жарыс бойынша:
1-орын — Алматы облысы;
2-орын — Қарағанды облысы;
3-орын — Қызылорда облысы.
Жекелей есепте:
Әйелдер арасында:
- 50 келі салмақ дәрежесі бойынша:
Бажаева Маргарита / Қарағанды облысы
- 59 келі:
Төребай Айнұр / Жетісу облысы
- 72 келі:
Сүлейменова Риза / Батыс Қазақстан облысы
- +72 келі:
Абенова Арайлым / Алматы облысы
Ерлер арасында:
- 58 келі:
Бақыт Ерасыл / Батыс Қазақстан облысы
- 71 келі:
Сағатбеков Самат / Алматы қаласы
- 88 келі:
Сапар Болат / Қарағанды облысы
- +88 келі:
Естай Ермұхан / Қарағанды облысы.
