Оның айтуынша, облыстағы 5 аудан мен Қонаев қаласы орталықтандырылған жылыту жүйесіне қосылған. Өңірдегі 22 қазандықтың біреуі ғана газдандырылмаған. Сондай-ақ барлық 52 блоктық-модулді қазандықтар көгілдір отынға қосылған. Жылу желілерінің ұзындығы 164 шақырым. Оның 44 пайызының тозығы жеткен.
Қазіргі таңда биылғы жылыту маусымына дайындық жүріп жатыр. Оған өңірлік бюджеттен 8,8 млрд.теңге, оның ішінде қазандықтарды жөндеуге 2 млрд. теңге, отын сатып алуға 4,9 млрд. теңге бөлінген.
«Энергиямен жабдықтаушы ұйымдардың жылыту маусымына дайындық бойынша жөндеу жұмыстарының жоспары әзірленді. Бюджеттік мекемелерге қажетті сұйық отынның көлемі 15,3 млн литр, қатты отын 4,6 мың тонна. Аталған мекемелер толықтай отынмен қамтылады», — деді басқарма басшысы.
