«28 маусымда Жамбыл ауданының ПБ-ға 1992 жылғы О. есімді азамат Алматы-Бішкек автожолында сағат 19:20 шамасында жол қозғалысы ережелерін бұзып, жол-көлік оқиғасын жасаған, сонымен қатар бұзақылық ниетпен көлігін бүлдірген белгісіз адамға қатысты шаралар қабылдау туралы жазбаша арызбен жүгінді», — деп жазды ПД бастығы.
Ақпаратқа сүйенсек, аталған дерек ҚР ҚК 293-бабының 1-бөлімінде (бұзақылық) көзделген қылмыстық құқық бұзушылық белгілері бойынша аудандық полицияда тіркелді. Жедел-іздестіру іс-шаралары барысында полиция қызметкерлері 1993 жылғы К. есімді күдіктіні анықтап, ұстады. Қазіргі уақытта барлық қажетті тергеу әрекеттері жүргізілуде, ұсталған адам УҰИ-на қамаққа алынды .
