Комиссия мәліметінде маймыл шешегінің негізгі белгілері айтылған. Олар қызба және бас ауруы, жүрек айну, лимфа түйіндерінің қабынуы. Сонымен қатар, 3-5 күннен кейін денеде бөртпе пайда болады.
«Бөртпе — ең алдымен дақтар, содан кейін онда мөлдір сулы көпіршіктерге толы ісік пайда болады. Олар сосын іріңдеуі мүмкін. Содан кейін уақыт өте келе беті алынып түсіп кететін қыртыстар пайда болады. Табиғи шешек тыртық қалдырады, маймыл шешегінде тыртық болмайды. Шешек ауруы пайда болған бөртпе өздігінен кетеді, қосымша емдеу қажет емес. Алайда, кез келген жағдайда дәрігерден кеңес алу керек», — деп ескертеді ведомствоаралық комиссия.
Айта кету керек, елімізде маймыл шешегін жұқтырған адам тіркелмеген.
