Алматы қалалық Төтенше жағдайлар департаментінің хабарлауынша, бүгін таңғы сағат 06:59-да өрт сөндіру бөліміне Әуезов ауданының тұрғынынан Райымбек даңғылы, 348 мекенжайында өрт шыққаны туралы ақпарат түскен.
«Оқиға орнына 6 минутта келген өрт сөндіру бригадасы түрлі-түсті металды қайта өңдеу цехында электр трансформаторының жанып жатқанын анықтады. Қызыл жалын цех төбесіне таралып үлгерген. Алдын-ала ақпарат бойынша өрт 150 шаршы метр жерді шарпыған», — деп хабарлады қалалық ТЖД баспасөз қызметі.
Ведомство мәліметінше өрт 08:57-де сөндірілді. Қазір өрттің шығу себебі анықталып жатыр.
Айта кету керек, бұл өрттің шығуы бірінші рет емес, бұған дейін аталған ауданда бояу өнімдері тұрған гараж жанған болатын.
