Өңірге барған кандидаттар өндіріс саласына сапалы мамандар дайындаудың маңыздылығын талқылады. Ал Ақтау қаласындағы аммиак және аммиак селитрасын өндіретін кәсіпорынға бас сұққан «Республика» партиясының өкілдері бірқатар маңызды мәселелерге тоқталды. Экспорт пен импорттағы көңіл бөлінуі керек тұстарды талдап, сауда-саттық тақырыбын қозғады. Жиынға қатысушылар әлеуметтік жағдайдың әлеуеті турасында сауалдар қойды. Кездесу барысында кандидаттар партияның сайлауалды бағдарламасын таныстырып, саяси науқан жайлы мағлұмат берді.
