Облыста 42 056 мүгедек тіркелген (I топ — 4014, II топ – 16 761, III топ – 14 925, 18 жасқа дейінгі балалар – 6 356 адам).
Облыс аумағында 629 сайлау учаскесі ұйымдастырылды, оның 28-і жабық мекемелерде.
Ерекше қажеттіліктері бар адамдар үшін дауыс беруге барлық жағдай жасалған. Көру қабілеті нашар адамдарға жеке көмекшілер беріледі, сонымен қатар барлық сайлау учаскелері Брайль түріндегі бюллетеньдермен қамтамасыз етіледі.
Есту қабілеті нашар тұрғындар үшін 20 сурдоаударма жалданды, оның ішінде Балқаш ауданында — 2 маман, Жамбыл ауданында – 2 маман, Іле ауданында — 8, Қарасай ауданында — 3 маман, Кеген ауданында – 4, Қонаевта — 1 маман.
601 сайлау учаскесінің барлық бөлмелері бірінші қабаттарда орналасқан және қарттар мен мүгедектерге қол жетімді. 595 сайлау учаскесінде пандустар орнатылған.
Үй-жайға кіре берісте 474 сайлау учаскесінде тактильді индикаторлар орнатылған.
Осылайша, ерекше қажеттіліктері бар адамдар үшін сайлау учаскелерін жарақтандыру бойынша барлық қажетті талаптар орындалды.
601 сайлау учаскесінің 586-сы Еңбек және халықты әлеуметтік қорғау министрлігінің ақпараттық порталының «қолжетімділіктің интерактивті картасына» енгізілді.
Сонымен қатар, 595 сайлау учаскесінде мүмкіндігі шектеулі жандарға арналған арнайы кабиналар қарастырылған.
Сайлау күні облыстың 60 елді мекенінде сайлаушыларды дауыс беруге арналған учаскелерге жеткізу үшін инватакси ұйымдастырылды.
Инватакси қызметінің 18 көлігі жұмыс істейді.
