Бірінші кезекте «Ауыл» партиясының делегациясы Махамбет ауданында орналасқан «Сарайшық» ЖШС-де болып, ұйым ұжымымен кездесті. Асыл тұқымды ешкі өсірумен айналысатын шаруашылықта әртүрлі өнімдерді өңдеу және өндіру орталығы бар. Ферманы «Ауыл» партиясынан Мәжіліске кандидат Тамила Розметова басқарады. Жаңартылған және қалпына келтірілген заманауи ферма бүгінгі күнге дейін үлкен кешенге айналды.
«Бұл ферма еңбек адамының нәтижелі жұмысын айқын көрсетеді. Егер мұндай адамдардың күш-жігері мен ұмтылыстарын мемлекет ескеріп, қолдайтын болса, онда халықтың ауыл шаруашылығына, агробизнеске деген ынтасы зор болады. «Ауыл» партиясының мақсаты — ауыл бизнесін дамытудағы бұрын жіберілген олқылықтардың орнын толтыру. Парламент Мәжілісінде көтеретін басты мәселелердің бірі – қазір құнсызданған еңбек адамының мәртебесі мен құрметін қайтару», – деді «Ауыл» партиясының төрағасы Әли Бектаев.
