Алматыдағы кәсіпорын көпір және су өткелдеріне қажетті темірбетон конструкцияларын шығарумен айналысады. Бұл өнімдер Ресей, Беларусь сынды көрші елдер арасында үлкен сұранысқа ие. Партия өкілдері еңбек ұжымын тұғырнамамен таныстырып, мамандардың ұсыныс-тілектерін тыңдады.
Сонымен қатар кандидаттар зағип жандар мен нашар көретін азаматтарға арналған республикалық кітапханада болды. Мәдениет ошағының үш мыңға жуық оқырманы бар.
«Біздің мақсатымыз — қаланың барлық сала өкілдерін қамту. Алдағы жоспарда — университет, колледж студенттері, аурухана дәрігерлерімен кездесу бар. Осы күнге дейін қалада 10 мыңнан астам халықпен 130-дан астам кездесу өткізілді», — деді партия мүшесі Жаңаби Қожахметов.
