Ол 1976 жылы Алматы облысында дүниеге келген. Абай атындағы Алматы мемлекеттік университетін, Қазақ мемлекеттік заң академиясын, Т. Рысқұлов атындағы Қазақ экономикалық университетін тәмамдаған. Мамандығы бойынша экономист-қаржыгер, заңгер, іскерлік әкімшілендіру магистрі.
Еңбек жолын 1997 жылы Салық бөлімінің заңды тұлғаларды тексеру бөлімінің бірінші санатты маманы болып бастаған.
1998-2001 жылдары Алматы қаласы бойынша Салық комитетінің салық инспекторы, аға салық инспекторы, жетекші салық инспекторы, бас маман – бас салық инспекторының м. а. болып жұмыс істеген.
2001-2010 жылдары Алматы қаласы бойынша Салық комитетінде жұмысын жалғастырған, Алматы қаласы бойынша Салық департаменті басшысының орынбасары болып жұмыс істеген.
2010-2012 жылдары ҚР Қаржы министрлігінде басшылық қызметтерді атқарған.
2012-2014 жылдары — ҚР Президенті Әкімшілігінің Әлеуметтік-экономикалық мониторинг бөлімінің сектор меңгерушісі.
2014-2017 жылдары — ҚР Қаржы министрлігі Мемлекеттік кірістер комитетінің Алматы қаласы бойынша Мемлекеттік кірістер департаментінің басшысы.
2017 жылғы маусымнан 2018 жылғы қазанға дейін ҚР Президенті Әкімшілігінің Әлеуметтік–экономикалық мониторинг бөлімі меңгерушісінің орынбасары қызметін атқарды.
2018 жылғы қазаннан бастап 2021 жылдың 12 мамырына дейін ҚР Қаржы министрлігі Мемлекеттік кірістер комитетінің төрағасы болып жұмыс істеді.
2021 жылдың мамыр айынан 2022 жылдың қаңтарына дейін ҚР Қаржы вице-министрі.
2022 жылдың қаңтарынан 2022 жылдың маусымына дейін ҚР Қаржы Бірінші вице-министрі.
2022 жылдың 11 маусым — 26 қарашасына дейін Алматы облысының әкімі болып қызмет атқарды.
2022 жылдың 26 қараша – 30 қарашаға дейін Алматы облысы әкімінің міндетін атқарушы лауазымында болды.
2022 жылдың 1 желтоқсан күні Алматы облысы әкімінің лауазымына қайта тағайындалды.
