Қайырымдылық шараның мақсаты – атаулы күннің қоғамдық мәні мен мағынасын насихаттау, көру қабілеті шектелсе де, өмірге деген құштарлықтары шексіз жандардың ерекше мүмкіндіктерін көрсетіп, балаларға қуаныш сыйлап, қамқорлық көрсету.
«Бұл шараға Есік қаласының облыстық көру қабілеті бұзылған балаларға арналған арнайы мектеп-интернаты мен облыстық «Зерде» бұзылыстары бар балаларға арналған арнайы мектеп-интернатының оқушылары қатысты», — дейді Алматы облыстық музейлер бірлестігінің директоры Әнуар Үмбеталиев.
Жиналған жұрт Түрген ауылы Мәдениет үйі қызметкерлері дайындаған концертпен қатар көру қабілеті нашар балалардың өнерін тамашалады.
Сондай-ақ мұнда Дәркембай атындағы қол өнер музейінің көрмесі мен шеберлік сағаты, суретші, Алматы облысы дизайнерлер одағының төрағасы Қадыров Құрманғазының көрмесі және қуыршақ театрының қойылымдары болды.
Қайырымдылық іс-шарасына Алматы облысының тілдерді дамыту жөніндегі басқармасы, Алматы облысының Туризм басқармасы, Мемлекеттік қуыршақ театры, БАҚ және музейлер қатысты.
