Аталған шараның өтуіне облыстық «Қоғамдық келісім» мекемесі ұйытқы болды.
100 түп шыршаны егу акциясына қала әкімінің орынбасары Марлан Жолдахмет, қалалық мәдениет, ішкі саясат, спорт бөлімінің басшысы Бибігүл Шәйкенова, қалалық Қоғамдық келісім кеңесінің төрағасы Амангелді Беспаев, және т.б. қоғам өміріне белсене араласып жүрген мамандар мен студенттер қатысты.
«Мемлекет басшысы Қасым-Жомарт Тоқаев Қазақстан халқы Ассамблеясы Кеңесінің отырысында еліміз бойынша 2 миллиард ағаш егу туралы бастама көтерді. Оған қоса елдімекендерге 15 миллион көшет отырғызу қажет екенін айтты. Әрбір өңірде «Халықтар достығы» саябағын ашуға болатынын да тілге тиек етті. Бүгін ҚР Президентінің игі бастамасына қолдау көрсетуге жиналдық», — деді облыстық ішкі саясат басқармасына қарасты «Қоғамдық келісім» мекемесінің директоры Марат Илипов.
Ал «Ассамблея жастары» өкілдерінің айтуынша, мұндай шаралар бүкіл қазақстандықтарды табиғатты аялауға, ашық аспан астында тату-тәтті өмір сүруге, ел үшін еңбек етуге шақырады.
