Шара университет жанындағы «Жамбыл атындағы Қазақ фольклоры мен әдебиетін зерттеу» орталығында ұйымдастырылды.
Әдеби-танымдық кештің аясында «Алатаудың ақиығы — Сүйінбай» атты жылжымалы көрмесі мен «Жаңа Қазақстан және Сүйінбай Аронұлының әдеби мұрасындағы бір мемлекет-бір тарих» атты дөңгелек үстел өтті.
Руханиятты дәріптейтін басқосудың мақсаты Сүйінбай ақынның дарынын, атадан балаға мұра болған тамырлы өнерін өскелең ұрпаққа таныстыру. Көрмеге ақын шығармашылығынан сыр шертетін жәдігерлер қойылды.
“Сүйінбай қаршадайынан қолына домбыра алып, өлеңді серік етті. Аузы дуалы ақын отты жырларының арқасында жалпақ жұртты бірлікке, татулыққа шақыра білді. Бүгінгі дөңгелек үстелде оның философиясы, таусылмас рухани қазынасы сөз етілді», — дейді Алматы облыстық музейлер бірлестігінің бас ғылыми қызметкері Айбек Ережеп.
Ақынның жырлары әлі күнге дейін құнды, қазақ үшін қымбат.
Посмотреть эту публикацию в Instagram
