Жаңа жоспарда облыс орталығы мен G-4 City аумағында арнайы экономикалық аймақтар құру да қарастырылған.
Қонаев қаласының бас жоспарын «Урбостиль» компаниясы дайындап жатыр. Бұл жұмыс биылғы жылдың 20 желтоқсанына дейін аяқталады. Содан кейін облыс әкімдігі жобалық шешімдерді қала тұрғындарымен ашық талқылауды ұйымдастырады.
Президент өңірге педагогикалық кадрлар мен дәрігерлерді тарту үшін, атап айтқанда мамандарды жаңа тұрғын үймен қамтамасыз ету сияқты ынталандыру шараларын қабылдау қажеттігін айтты.
Айта кетерлігі, бүгінде Алматы облысында тұрғын үй мәселесін оңтайлы шешу қаралып жатыр. Атап айтқанда, жас мамандар «Алатау жастары» өңірлік бағдарламасы арқылы баспанаға қол жеткізе алады.
