«Қазіргі таңда ауыл тұрғындары үш жас санаты бойынша дәрігерлердің профилактикалық тексеруінен өтіп жатыр. Олар 18-29, 30-44, 45-70 жас аралығындағылар», — деді Лейла Серікбаева.
Оның айтуынша, ақ халаттылардың бұл жұмысы 2 кезеңнен тұрады:
1. медициналық-санитарлық алғашқы көмек;
2. егер бірінші тексеріс барысында адам ағзасынан күдікті ауру белгілері табылса, міндетті әлеуметтік медициналық сақтандыру бойынша облыстағы мықты мамандарға жолдама беріледі. Мұнда науқастар толық тексерістен өтеді.
Сондай-ақ ол ауыл тұрғындарының ауруын асқындырып барып, дәрігерге қаралатынын айтты.
«Қаладағыларға қарағанда, ауыл тұрғындарының денсаулығы нашар екені жасырын емес. Сондықтан осы мәселеге аса мән беріп отырмыз», — деді Лейла Серікбаева.
