Облыстық денсаулық сақтау басқармасының мәліметінше, 5 қараша күні түнде 4 адам түрлі дене жарақатымен ауруханаға түскен.
«1992 жылы туған науқас сол жақ кеудесінен жарақат алған. Аурухана бөлімінде ем қабылдап жатыр. Жағдайы тұрақты.
1984 жылы туған науқас бас-кеуде тұсынан жарақат алған. Оған операция жасалды. Жансақтау бөлімінде жатыр. Жасанды тыныс алу аппаратына қосылған. Жағдайы өте ауыр.
1987 жылғы науқас бас-ми жарақатын, оң жақ иығынан жарақат алған. Травматология бөлімінде жатыр. Жағдайы тұрақты.
Ал төртінші науқас дәрігердің тексеруінен кейін амбулаториялық ем қабылдауға жіберілді», — делінген аталған ведомствоның хабарламасында.
Еске салайық, Алматы облысы Еңбекшіқазақ ауданында ер азаматтар жанжалдасып, 5 адам ауруханаға түскен. Оның бірі көз жұмды.
