Аталған шара еліміздің Гимнін орындаумен басталды.
Дәл қазір өңір басшысы Марат Сұлтанғазиев өзінің құттықтау сөзін жеткізу үстінде.
«Мемлекет басшысы Қасым-Жомарт Кемелұлы Тоқаев бұл күннің тарихи маңызын ескере отырып, Ұлытаудың төрінде өткен Ұлттық құрылтайда Республика күнін қайта жаңғырту туралы шешім қабылдады. Осы орайда Президентіміз «Республика күні еліміздің мемлекеттілікке бағытталған тарихи қадамының символына айналуы тиіс», — деді аймақ басшысы.
Оның айтуынша, 1990 жылдың 25 қазанында қабылданған Республикамыздың Мемлекеттiк егемендiгi туралы декларация еліміздің еркіндігін аңсаған ата-бабаларымыздың асыл арманын орындаған құжат болды.
«Декларацияның айрықша рөлі – Қазақстан алғаш рет өзіндік дүниетанымы, салт-дәстүрлері, сондай-ақ болашағының пайымдауы бар бірегей аумақтық субъект ретінде жариялануында», — деді өңір басшысы Марат Сұлтанғазиев.
